黄子华栋笃笑台词

　　栋笃笑作为一种剧场型的单人舞台语言表演艺术，源于北美的“Stand-up Comedy”，由香港演员黄子华于1990年从西方社会引入香港。总体上来说，黄子华栋笃笑的题旨主要包括对现实的反讽、对自我的嘲弄、对荒诞的呈现、对事理的妙解。以下是励志日小编为大家准备的黄子华栋笃笑台词，希望大家喜欢!

　　黄子华栋笃笑台词(一)

　　1、爱情

　　白雪公主，几咁纯洁无瑕。但系谂真啲，白雪公主，识得嗰个系王子，灰姑娘识嗰个又系王子;有个有特殊嚐好，钟意锡青蛙嘅女人锡咗只青蛙一啖，只青蛙变出嚟嘅又系王子!有冇人谂过根本个王子系同一个人呢?根本呢个王子都不知几花心，周围沟女。仲无良到扮青蛙去沟添!

　　2.情窦未开

　　我第一次恋爱之前，我认为自己就系杨过，而我同书里面个杨过唯一唔同嘅地方，就系佢有只大雕。而我嗰阵，就钟意捻呢个相思同画眉多啲。同杨过一样，我从来冇谂过要考第一。

　　我只需要爱情，只要搵到我嘅小龙女，我就可以抛弃学业，退隐山林，搬入新界住。但系我一定要住西班牙别墅，我唔住得村屋，我怕蛇虫鼠蚁。然后每个月至多出一次市区，不过我唔会逗留得耐，问亚妈攞完零用钱我就会入番入去。

　　冇错，基本上，我由中一至中五都系喺呢种咁超然嘅思想下度过。嗰阵时学校最流行嘅辩论题目系：“中学生应否谈恋爱?”我认为，我哋应该辩论嘅系“中学生应否读书?”

　　而喺我第一次恋爱之前，我嘅小龙女只需要一个条件，就系靓，我知我咁样谂好肤浅，但系嗰阵时我仲细，唔知道原来身材都好重要嘎。

　　vvvvvvvvv

　　3.性

　　圣人话:“食色性也!”食同色，好唔同!一个人无论几钟意食，会唔会比几十蚊入戏院睇套“蒸气腾腾小龙包”?一个人无论几钟意食，又会唔会为咗望一旧冇包住嘅牛肉望到畀车撞?

　　4.爱情

　　恋爱唔系PART-TIME，你唔可以话：“爱!做完咪走啰!”恋爱系一盘生意，你要二十四小时谂住佢。自己生意，冇所谓PART-TIME正识。人哋放假或者过年过节，你更加要开OT添。行花市啦行海边啦睇戏食饭啦……

　　你有乜嘢竞争对手呢?我冇竞争对手?!你估你系专利巴士公司啊?港巴都执咗啦!有冇考虑结婚?咁就要向公众交代，咁就即系上市啦!所以，“中学生应否谈恋爱”唔系问题，问题系“人类应否有两份全职工作?”

　　你再拍拖，需要知会你老板：“老细，我出面搵咗份恋爱，我真系好需要呢份恋爱，不过公司啲嘢我会照做，我兼顾到嘎。”然后你老板会话：“咁你不如搵多份恋爱，咪直情唔使番呢份工啰!”

　　5.新鲜

　　依家啲人沟女，对绦女最大嘅要求系乜啊?唔系靓，最紧要，系够新鲜!

　　乜嘢叫做够新鲜啊?就系话，沟咗一年嗰个，就唔够沟咗半年嗰个咁正。因为半年嗰个新相识，新鲜啲。同样，沟咗半年嗰个，就唔够三个月咁正。沟咗一个月就唔够半个月嗰个咁正。沟咗一日就唔够半日嗰个正，如此类推，终於……沟咗嗰件，就唔够未沟嗰件咁正!

　　咁即系点呢?仲沟唔沟好呢?一沟就唔正?!

　　6.女人伟大

　　黄：系爱情之中，女人最伟大!

　　男人嘅牺牲，就为咗追求美丽;而女人嘅牺牲，就只系得到一个麻甩佬!而最伟大嘅系佢哋根本唔觉得系牺牲。

　　如果你话畀一个女人听，喂，你男朋友有口臭!

　　张：车，人梗有局部缺点嘅!

　　黄：佢仲有臭狐同香港脚喎!

　　张：咁佢咪好平均咯!

　　黄：佢啲鼻鼾声唔使搅咪啊!

　　张：我男朋友一定系梦见我，我开心。

　　黄：佢屙尿乱咁啡!

　　张：好壮啊!

　　黄：佢啡完唔洗手!

　　张：边有男人洗手嘎!

　　黄：我有!

　　张：乸型!

　　黄：佢仲讲粗口啊!

　　张：但系佢心地好!

　　黄：佢系电梯度食烟喎!

　　张：公众场合都唔畀食咯，佢咪呢埋一边食啰，你哋仲想点啊!你系咪想逼死佢?!系咪想逼死佢?!呜～～～

　　7.责任何在

　　如果你话我听，因为我唔靓仔，所以唔可以做戏，你唔应该话我听!因为唔关我事，我唔应该负呢个责任，你应该同我父母讲，系佢哋搞成我咁嘅。如果你要罚，应该罚佢哋。以后，边个丑样，就罚佢爸爸妈妈唔准做戏!或者剩系做茄呢啡!

　　我唔系一个唔负责任嘅人，为我爸爸妈妈嗰短短一刹嘅快感，我已经负责负咗廿几年。你估做我好易做啊?

　　我细个读书唔好，或者唔合格，我冇要父母负责。我自己签晒啲成绩表嘅。

　　每当我爸爸妈妈有争执闹交嘅时候，我有冇叫佢哋为咗我嘅童年着想，忍下对方?冇!我叫佢哋出街闹!

　　我大个咗，唔知应该信边个宗教，唔知做人为乜，唔知人生事业嘅方向都冇要求父母照顾我。

　　反而系我调番转头，提醒佢哋：你哋要搵钱啊，积谷防饥啊，唔系第日老来无依无靠啊!

　　乜嘢都系我!

　　8.男仔唔驶靓仔

　　靓仔系唔系真系咁重要啊?有啲人话男人唔驶靓仔嘅，有才华咪得啰。

　　系，你有冇试过带你嘅才华去落disco识女仔啊?人哋啲靓仔一行入去，唔使二十分钟，就已经同啲女仔互相问问题：“你度定我度?”

　　我带住我嘅才华入到去，几艰难先搵到个女仔肯畀个机会我。唔系畀机会我交换问题，而系畀机会我天才表演。

　　唱歌跳舞做话剧讲大话功夫表演，成套欢乐今宵一个人做一次……

　　9.演戏天份

　　我从小就知道，我系一个伟大嘅演员。

　　人哋细个成班细路群埋，钟意玩扮结婚，扮爸爸妈妈。我细个，就钟意扮奸夫淫妇。

　　但系唔知系咪我个样比较老实，我系从来都冇机会扮奸夫。每次我都系扮淫妇……嘅老公。

　　虽然系咁，虽然，我亦都系成班人之中最细嗰个。但系我已经可以将一个妒忌嘅男人心态表现得淋漓尽至。

　　当然，我啲朋友个个都赞我，话我天生出嚟，就系戴绿帽嘅。

　　10.死亡

　　细个嗰阵，我系唔怕死嘅。

　　我觉得，系以前啲人先会死嘅。系历史书里面嘅人至会死。好多人唔明历史有乜用，历史咪话你听边啲人死咗啰。

　　我从来未睇过一本历史书有提到黄子华呢个名，我点会死啊。最紧要系，就算死都唔系乜嘢一回事。

　　细个嗰阵隔离陈师奶成日叫佢老公：“咁多人去死你仲唔去死?”

　　然后去完番嚟,阿陈师奶又会话：“死番嚟啦，唔死多阵添?”

　　所以我一路都认为，去死，即系去街，同埋一定唔会去好远。因为阿陈生每次都好快就返嚟嘅。

　　11.赌马

　　喂，赌马系需要付出好多嘎。

　　朝早要睇晨操夜晚要睇董骠，又要同朋友交换读书报告。

　　你估我哋睇得书少?市面几多马经啊?

　　仲唔系话你睇得多就得嘎喎!

　　香港啲马经，一埸十只马，十只马都有人贴，你自己思想唔够独立，咁你就死梗啦：

　　唔该，呢场每只帮我落100蚊啊!希望中啦!

　　夏天嚟啦，抖暑啦，你估系畀啲马休息咩?系畀我哋休息啊!

　　12.泳池

　　黄：去公众泳池嗰啲唔系叫做游水，嗰啲叫做浸水。因为喺公众泳池游，只可以用一种泳式，就系弹式，同一个位，弹下弹下。

　　张：如果系高手可以用式，但系要潜落水底嗰度用。

　　黄：点解香港啲泳池咁鬼逼嘅呢?

　　张：唔好问啊，趁人多你好快啲浸下。等阵所有人上晒水嗰阵，你就会发觉，个池啲水原来到膝头哥嘎咋!你去浸脚指啦，下次。

　　黄：其实我哋香港人都习惯咗人多，去浸下水都好。但系可惜嘅系，呢啲水，唔系一般水，呢啲系暖水!你成日喺泳池度，你会发觉有啲人，全身唔喐，眼碌碌。

　　张：哦!你喺泳池屙尿，咁冇公德心!由细到大我老豆都教我嘎啦，急尿，去隔离池啊嘛!

　　黄：所以我喺度，趁呢个机会，同你啲儬仔讲啊!游游下小童池就走过嚟大人池，擒喺个池边，唔好话我听系学游水啊!

　　张：特别系擒正喺喷水口嗰啲啊!想毁尸灭迹啊!

　　13.改名

　　改名，只系啲父母将自己嘅主观意愿套喺啲仔女身上。所以大部份女仔唔系叫美乜就系丽乜。男仔唔系叫阿坚，就系阿强，一唔系就叫阿祥。咁我哋系咪好美丽，好坚好强好长呢?

　　14.黑白不明

　　我非常欣赏邓小平嘅“黑猫白猫，捉到老鼠就是好猫。”我老友阿雄个老婆生仔，生咗个黑人出嚟，我都系咁对佢讲：“黑仔，白仔，快高长大就系好仔!”

　　15.闹人

　　以前我哋笑人，会话：“你有得发达?太阳由西边出嚟啊!”依家我哋就会话：“你有得发达?建筑面积等於实用面积啊!”

　　又或者话人丑，现在我哋都会技巧好多：“你唔丑，你点算丑啊，你系块面唔多实用咁解嘛。你嘅鼻台太大，啲眼耳口鼻咪唔见使啰。”

　　16.失恋

　　失恋系会令人成长嘅。我失恋之前，一向都觉得世界上所有问题都有答案。

　　点解我哋每日都要8点钟起身返工啊?因为够钟啰!

　　点解我哋有够钟呢样嘢啊?因为我哋唔用浮动上班时间啰。

　　点解呢个世界有战争?因为我哋有武器罗。

　　咁点解我哋要有武器啊?因为佢哋有武器啰。

　　一切都有答案，直到我失恋。

　　阿珍，点解你唔爱我?阿珍畀咗一个经典嘅答覆我，佢话：“爱情系冇点解嘎，系唔可以解释嘎，唔好问啦。”(记紧呢句啦)

　　如果番学阿sir问我嘢都可以咁答就好啦!“黄子华，物体燃烧点解需要氧气啊?”

　　“阿sir，系冇点解嘎，系唔可以解释嘎，唔好问我啦!”

　　17.隆胸

　　叶子微简直为演艺界创下新标准。

　　以后啲女仔想做明星，又唔使睇样，又唔使睇演技，去磅啦!!!(加强语气)得，入去磅一磅就得啦。“开黎，六斤半，片酬系六千五蚊一日，小姐做唔做?”“开黎，八斤有疤痕，八千减一千疤痕费，即系7千蚊一日。”

　　你话几客观呢!

　　20.放假

　　黄：一般人都会好珍惜每年一度嘅年假!

　　张：今年我要去夏威夷游下水。

　　黄：如果你决定去夏威夷，你就要预咗付出沉重代价!前四后六!

　　张：我讲紧系年假，唔系产假啊，子华!(真系啊……)

　　黄：前四后六嘅意思系，喺你放假之前嗰四个礼拜，同你放假之后六个礼拜，都要做到仆街!(死未)因为无论你放几耐假，你嘅嘢始终系你做番。

　　张：系你嘅始终系你嘅!

　　黄：唔单止，放完假，唔系你嘅都会变成系你嘅!

　　黄子华栋笃笑台词(二)

　　1. 说实在的，选哲学纯因到了外国后，多了一点时间去思考问题，然后我便发觉，很多问题不单是答不上，实际是怎样发问也未懂，所以便想去找寻这个答案。

　　2. 单方面去爱是没意思，有如打乒乓球，有乒必有乓，让人拒绝真难受。

　　3. 如果有种女人像这样忠心的狗又如何?“那就惨，一个女人太忠心，会好烦”

　　4. 狗的忠心，往往令人类自惭而感动。

　　5. 两个人相处可能好烦，好闷，有时会不开心吵嘴;但系，如果将这些“小磨擦”，预计在自己的“爱情成本”内;换一个角度，可能是享受，也可能是乐趣。

　　6. 大家只要有饭吃，生活稳定，就甚么也可以不理!安定生活，才是人民的真正鸦片。

　　7. 我觉得凡是竞争都是良性的，不会是恶性，只会有好效果。会否爆煲?总之一句讲哂：无论任何行业，都是汰弱留强，尤其在这个时势。

　　8. 拍电影就好似人想去欧洲旅行，一世人总要去一次。

　　9. 我觉得做人好像钟摆那样，我们由一边荡向另一边，去到最高，自然就会跌落，由头开始过，然后荡向另一边。如果大家像我这样看的话，你会开始觉得，其实这样又上又落都很合逻辑?。

　　10. 我一路以来都好努力的想做到一个情况，就是没人可以代替到你，那样我才有我的存在价值。如果不是，人们就会这样说：‘黄子华怎么那么贵要收二千块?一千八给我找一个顶替他!’那其实你黄子华就只是值二百块，随便一个人便宜过你都可以顶替你，那你就是没有价值。

　　11. 塔伦天奴，他给到我一个启示，就是无论你是怎么大众怎么商业化，你都必定要有一个好强烈的个人风格，你才可以在现在生存。因为xx年开始，是一个‘自我大路年代’，仍然是商业化，但一定要有个人风格。

　　12. 每个人就只剩下一条命，我不是，那我还可以剩下什么。

　　13. 传媒不是一个人，是一种建制、文化，香港太小，传媒网络是铺天盖地的繁密。被他跟踪当然是不舒服，有艺人会很气愤，出来骂他，但这样做等于对空气骂，没人会应你。就等于你骂资本主义，资本主义根本就不会回答你。

　　14. 现在就不会对婚姻去下定论，最重要看一下是不是找到适合的人，令你很想跟她进行繁文缛节、结婚?高兴一下。但这么久以来我都暂时未遇到一个这样的人。

　　15. 我觉快乐不是来自拥有大屋、靓车，或者穿得身光颈靓。怎样才叫快乐?可能拎一大笔去帮助郁郁不得志的人，甚至面临破产第人，就是快乐吧，不是扮清高，是真的，不过现阶段我做不到。

　　16. 倒垃圾的人喜欢倒垃圾吗?他们只为生计，而大部分人做工，都只为‘搵食’。

　　17. 爱存在主义书籍相对来说，书本更具分析性，这是受长度限制的电影所不能做到的;至于音乐，对我来说纯粹是诉诸感情;但在书的世界，情感与分析几乎可以无限长。

　　18. 这类书(存在主义)使我由没有角度到有一个角度去看人生与世界，不再像风中之叶。它们对我有潜移默化的影响，譬如影响了我某程度的玩世不恭──这也是一个选择;另一方面，却令自己这飘渺的人生实在一点：至少它们使我感受到、肯定了存在的实在性，使我提醒自己生命冇take two。

　　19. 喜欢它(存在主义)没有提供既定的方向，而让我们自己追寻。现在的香港，许多人不知存在主义是什么，也会自杀，好似欠人三十万就理所当然要自杀，其实背后是很深的空虚。现在香港人倾向没有选择，其实是他们看人生的观点角度没有出路，他们根本没有自己(看事物)的角度，哈哈，现在物质就是神，资本主义就是宗教。“

　　20. 没有时间看书。这样，人会很干!很干!我觉得没有时间思考及吸收的情况下看书，会浪费了一本好书。今年会好一点，于是一有时间就看书。

　　21. 、我发觉(读书)真的不需要快，对于一些书，甚至不妨重复地读。当然，快或慢视乎你是否希望被一本书影响，如果只是为了娱乐，自然不需要(慢读)，但如果你想让一本书影响你，那就得给它时间。

　　22. 一个艺人大家知道得关于他愈少的就愈好，这是大原则，因为艺人一旦被知得太多就被界定了，举例说大家都认为我是一只杯，但后来却发觉我是一只碟时，我得要向身边的人交待。再者观众喜欢知道我的事不等于他很渴望睇我个骚。

　　23. 讲到底每个人其实也有一层皮，姑且勿论你将对方看得高也好，低也好，这层皮是绝不能剥去的。而身为演艺界的我是有切肤之痛的感觉。就好似李小龙，好在他在七三年逝世，假如事情发生在今天的话，就会死得十分丑陋，因为会被形容为死于马上风，他的生殖器官僵硬，等等。

　　24. 原来住屋大小，占我人生开心的部分很少。

　　25. 更冒险，更跌watt十倍的，我也够胆去试。只要我觉得有趣，衰了又如何。

　　26. 当被所爱的人抛弃时，你没必要哭泣难过，因为这只代表你生命中少了一个不爱你的人;对方生命中少了一个爱他的人。伤心难过的人应是对方。

　　27. (理想的爱情)就是不断去让对方更加自由，鼓励对方更勇敢地去追寻真正的自己。

　　28. 人生其中一个大方向，也应该是为了你所爱的人，去做些事去令她开心。

　　29. 我曾经很怕孤独，所以我很孤独;当我不再怕它时，我就不孤独了。克服孤独的唯一方法，就是去彻底感受它。

　　30. 曾在最穷的时候买了一部法拉利，只为了证明自己即使做一件没有能力做的事情也不会死。

　　31. 我想每个人都怕老，但又不是看得太重，因为我很小的时候已经想老，多岁已经被人认为当我老了便会骄傲的人，哈哈，因为以前很怕被人认为我是‘o靓仔’。

　　32. 我不相信大部分人所相信的婚姻，大部分人相信婚姻有神奇力量，可以令感情稳固，我并不相信，但我相信commitment，越来越发觉有些事要有commitment，说了是便无论如何都要是。

　　33. 爱情是我人生的一部分，当然，我不是非有爱情不可的人，爱情是要有激情又要细水长流，当你了解到人生短暂，你就会很激情，因为我今日拥有这个人不代表第二日都继续拥有，可否天长地久就要看那pair人有没有这个质素，这是一个高深学问，需要经验、体会、分析去学习，不是生出来便晓，因为人的本性很容易去破坏一些宝贵的东西。

　　34. 如果，我在很有钱的时候买法拉利，这算得甚么?有钱的时候，它只是一件玩具，冇钱的时候，它才是真正的超级跑车!

　　35. 要批判社会，未必一定句句有火。